Köp soralýan soraglar

Internet ulanyjylarymyz tarapyndan tehniki toparymyza ýüz tutulan ýa-da sorag jogap gullugymyzdan köp soralan soraglaryň içinden esasylaryny jogaplary bilen size ýetirmegi makul bildik. Aşakdaky soraglardan we jogaplardan özüňize gerek maglumaty tapyp bilmedik ýagdaýyňyzda biziň bilen habarlaşyň!

• Internet hasabymy nireden nähili dolduryp bilerin?

  
  Internet hasabyňyzy doldurmagyň iň aňsat ýoly biziň size hödürleýän "Şahsy otag" hyzmatymyzdyr. Şahsy otaga girmek üçin my.agts.tv salgysyny ulanyp bilersiňiz. Öz telefon belgiňiz we PIN kody arkaly içeri gireniňizden soňra size elýeterli bolan hyzmatlaryň sanawy görüner. "Online töleg" bölümine girip internet hasabyňyzy doldyryp bilersiňiz. Tölegler Altyn asyr plastik kartlary arkaly online ýerine ýetirilýär.
  
  Şeýle hem şäheriň ähli ýerinde diýen ýaly ýerleşdirilen Töleg terminallaryndan öz telefon belgiňiz arkaly tölegleri geçirip bilersiňiz.
  
  Mundan başga-da, hyzmatlar üçin tölegleri biziň hyzmat ediş nokatlarymyz we kassalarymyza baryp töläp bilersiňiz. Töleg kassalarynyň salgylaryny, iş günlerini, wagtlaryny we telefon belgilerini internet saýdymyzyň "Kassalar" bölüminden tanyşyp bilersiňiz.

• Internede Ethernet ýa-da ADSL tehnologiýasy bilen baglanmakda tapawut barmy?

  
  Internede ADSL ýa-da Ethernet tenologiýasy bilen baglanmagyň arasynda iň esasy tapawut internede baglanmak üçin ulanýan enjamlarymyz. ADSL ulanyjylary modem bilen internede baglanýar. Emma Ethernet ulanyjylary internede baglanmak üçin router ulanmaly bolýar.
  
  Şeýle-de, ADSL tehnologiýasy bilen internete baglanmak üçin telefon liniýasyny modeme baglaýjy kabel ulanylýar. Ethernet kabelleri bolsa telefon kabellerinden ýogunlugy bilen tapawutlanýar.
  
  Internetiň tizligini geçirijilik bolsa 7 mbit/s çenli deň. Emma 7mbit/s tizliginden ýokary tizlikleri ulanmak üçin Ethernet ýa-da fiberoptika tilsimaty maslahat berilýär.

• Internet hyzmatyndan peýdalanmak üçin şertnama taýýar bolandan soňra näçe gün içinde birikdirýärler?

  
  Müşderi we "AŞTU" ÝGPJ arasynda internet hyzmatyndan peýdalanmak üçin şertnama taýýarlanylandan soň tehniki toparymyz siziň telefon belgiňize 1-2 gün içinde internedi birikdirer.
  
  Tehniki toparymyz siziň bilen habarlaşanyndan soňra bellenilen wagtda internede birikmek üçin zerur bolan enjamlary taýýarlamagy unutmaň. Zerur bolan enjamlaryň sanawyny web sahypamyzdan tapyp bilersiňiz ýa-da biziň tehniki toparymyzdan maslahat alyp bilersiňiiz.

• Internet nyrhnamamy üýtgetmek mümkinmi?

  
  Internet nyrhnamaňyzy üýtgetmek mümkin. Internet nyrhnamaňyzy üýtgetmek üçin kassalar bölüminde ýerleşdirilen size iň ýakyn kassa ýüz tutup bilersiňiz. Internet nyrhnamasyny üýtgetmegiň bahasy 1.00 manat.
  
  Häzirki wagtda internet nyrhnamasyny "Şahsy otag" girip, çalyşmak we dolandyrmak aýratynlyklary biziň toparymyz tarapyndan işlenilýär.
  
  Internet nyrhnamaňyzy çalyşan ýagdaýyňyzda, hasabyňyz täze nyrhnama boýunça hasaplanar. Täze nyrhnamaňyza tölenmeli mukdar ýetmese, internediňiziň birikmegi üçin hasabyňyzy doldyrmak maslahat berilýär.